 |
 |
 |
 Halka Teri Awaaz Ki Gehraai Mein Mera Gham Doob Jaata Hai Tujhse Baatein Karke - Mann Halka Ho Jaata Hai !
Zindagi
Jo Mar Mar Ke Jeete Hain
Unko Maut Ka Darr Kaisa
Woh To Har Pal Marte Hue
Aansuon Mein Bhi...
Hanste Hue :-)
Zindagi Ko Jeena Sikhate Hain !
Those who die every moment they live, have no fear of death.
Smiling :) amidst their tears...they even teach Life how to live ! Raunak
Teri Hansi :-) Mere Chehre Par Raunak Laati Hai Tu Rota Hai To Meri Aankhen Bhar Aati Hai… So always kp smiling :)
Khat Tere Har Khat Mein Itna Pyar Bhara Hota Hai Ke Tere Haathon Ko Choomne Ka Mann Hota Hai Aise Dekha...
Aankhon Ne Aankhon Ko
Aise Dekha -
Jaise Ek Door Ka Pyaasa Raahi,
Apni Trishna Bujhane Se Pehle
Paani Ke Jharne Ko Dekhta Hai
Jaise Vasl Ki Raat Mein,
Shubh Milan Se Pehle,
Mehboob Apni Mashooqa Ko
Dekhta Hai
Nazar Aaye... Sar Se Paon Tak Tu
Mujhe Pyar Nazar Aaye
Kabhi Mehez Ek Yaar Tha Mera
Aaj, Abhi, Is Haseen Manzar Par
Tu Dildaar, Dil-E-Gulzaar
Nazar Aaye...
Kareeb
Woh Bechaen Besabr Hokar
Humein Is Tarah Kareeb
Bulaate Hain...
Maano, Dooriyon Ko
Nazdeekiyon Se
Pyar Ho Gaya Ho ! Mohabbat Aur Ibaadat
Woh Mohabbat Hee Kya
Jisme Junoon Na Ho ?
Woh Ibaadat Hee Kya
Jisme Sukoon Na Ho ?
Junoon = passion, fanaticism, ecstasy
Ibaadat = prayer
Sukoon = peace, quietude, tranquility
What is that Love
Bereft of passion and ecstasy ?
What is that Prayer
Bereft of peace and tranquility ?
Charche Mere Khayalon Mein Doobe Raho
Mere Charche Karte Raho :)
Main Tumhe Dekh Kar Jeeti Rahun
Tum Yun Hee Mujh Par Marte Raho !
(dedicated to my dearest Ratan)
Khat Likhna Tha So Likh Diya Ab Khat Karti Hoon Band
Naya Saal Naye Saal Ki Kaamna Lekar
Thoda Sa Pyar :)
Thodi Si Vaasna Lekar ;)
Khatti-Meethi Baaton Ki
Nok-Jhonk Lekar !
Bahut Kuchh Paa Ke Bhi
Kuchh Kuchh Khokar ?!
Chalo Hum Aur Tum
Phir Se Shuru Karein
Din Aur Mahinon Ki
Nai Saugaat Lekar
Ek Aur Naya Saal...
Tum Raho Hum Par Fidaa :)
Hum Rahe Hamesha Ki Tarah
Sirf Tumhare Hokar !
Pal Kuchh Pal To Hote Hain Sirf Hum Dono Ke Liye Jee Lo Inhein Tum Sirf Humaare Liye :-)
Yeh Waqt To Paani Ki Tarah Behta Jaayega Kahin Chhod Na Jaaye Pyaasa – Umr Bhar Ke Liye !
Saanjh Saanjh Dhale,
Beej Tere Badan Ke Har Ek Ansh Ko Choomna Chahti Hoon Main Tere Beej Ke Us Barsaat Se Ek Apna Vansh Chahti Hoon Main
~ Always Aparna ~
All the above compositions are © Aparna Chatterjee 2008
Please do not Plagiarise.
Share This Site |
|
|
|
|
|